Molin fortificat de Conhaguet

Classificat monument istoric dempuei 1925

 

 

Acuèlh

Lo Molin

Tecnica

Oraris/Tarifas

Nòstres ligams

Contact

Videò

 

 

 

Aquel molin foguèt edificat al sègle XIV per de monges d’una abadiá cisterciana dels Alís a dos quilomètres de Ròc Amador.

Sa construccion durèt mai de cinquanta ans. Començadas en 1292, las òbras s'acabèron pas qu'en 1350.

 

Lo 19 de julhet de 1778, los monges daissèron l’édifici a un particular. D'ara enlà proprietat privada, lo molin foguèt classificat Monument Istoric en 1925 en tot foncionar duscas a 1959.
Aquel molin es bastit sus un cors d'aiga, "L’Oissa", de'n primièr sosterranh, que sèg un trajècte terrèstre de 11 quilomètres solament abans de se getar dins la Dordonha. La retenguda d’aiga se fa sus 1,600 quilomètres de long gràcias a un barratge d’una espessor de 6 mètres.

 

La pòrta d’entrada uèi murada, èra una pòrta en ogiva tornada barrada a mitat. I gasavan e se pòt entreveire enquèra lo pasiment dins l'aiga. En aqueles tempses destorbats de faminas, de pilhatges, los monges avián aquí un bon mejan de defensa.
Sufisiá de barrar la pòrta e de dubrir las quatre bacas al dedins del molin causant aital un grand corrent d’aiga per negar d’atacaires eventuals.

Aquel molin es equipat de quatre mòlas d’1,5 tonas a quicòm pròche embarradas dins un cofratge de fusta e gràcias a las qualas se podiá mòler duscas a tres tonas de gran per jorn.